Puno ug bug-at ang giatubang nga iskedyul sa Pinay tennis star nga si Alex Eala sa umaabot nga 2026 US Open sa New York tungod kay makigtigi kini sa women’s singles, mixed doubles, ug sa Stars of the Open exhibition event.
Ipares si Eala sa world No. 4 nga si Felix Auger-Aliassime alang sa mixed doubles event, nga magsugod karong Agosto 25 hangtod 26.
Usa ang ilang tambayayong sa mga gipaabot nga powerhouse teams, kauban ang mga pambato nga silang Leylah Fernandez ug Frances Tiafoe, Aryna Sabalenka ug Novak Djokovic, Serena Williams ug Carlos Alcaraz, ug Elena Rybakina ug Taylor Fritz.
Una pa ipagawas ang opisyal nga singles draw, moduwa ang 21-anyos nga si Eala sa Stars of the Open exhibition event karong Agosto 27.
Sa pagkakaron, si Eala nga anaa sa world No. 20 rank ang gilauman nga makasulod sa singles main draw isip usa sa mga seeded players. / RSC
