Nakasulod sa main draw si Alex Eala sa 2025 Lexus Nottingham Open sa United Kingdom human siya nakasugakod og duha ka qualifying games nga nagtukmod kaniya sa ikatulo niyang grass-court appearance ning tuiga.
Ang 20 anyos nga Pinay kinsa kasamtangang world ranked No. 77, opisyal nga nakasulod sa main draw human sa makutas niyang kadaugan batok ni world rancked No. 87 Anca Todoni sa Romania, 6-3, 7-6(4), 6-3, sa Lunes sa buntag, Hunyo 16, 2025 (PH time).
Kining maong hinampakay nilanat og duha ka mga oras ug 19 ka minutos.
Sa premiro niyang qualifying game, makutas sab nga kadaugan ang nahimo ni Eala batok ni Varvara Gracheva sa France, 6-3, 3-6, 6-3, nga nilanat og duha ka mga oras ug lima ka minutos.
Sa labing una niyang tahas sa main draw, kontrahon ni Eala si world ranked No. 31, Magda Linette sa Poland karong Martes sa alas 6:00 sa gabii. / ESL