Nakasulod sa quarter-finals si Filipina Alex Eala sa Ilkley WTA 125 sa Great Britain human sa yano niyang paghampak ni Valentina Ryser sa Switzerland, 6-1, 6-2, sa round-of-16.
Si Eala kinsa maoy top seed sa torneyo ug world ranked no. 77, nagbangis dayon sa opening set diin nakapuntos siya 78% sa unang serves pa lang.
Nagtabla sila si Eala ug Ryser human sa duha ka mga duwa sa 1st set apan human niini, nisagunson og lima ka mga daog ang Pinay aron angkunon ang set.
Sa 2nd set, nagtabla sab ang duha ka mga magduduwa human sa upat ka duwa apan human niini, nisagunson og upat ka mga daog si Eala aron humanon og sayo ang hinampakay.
Nilapas lang og gamay sa usa ka oras ug nahuman na ang duwa.
Sa iyang gipakita, tataw nga niumento na ang duwa ni Eala sa grass-court. / ESL