Nanamilit og sayo ang gikahinamang panagpares nila ni Filipina Alex Eala ug American legend Venus Williams human sila nasugamak sa kapildihan batok nila ni Japanes Eri Kato ug Russian Liudmila Samsonova, 4-6, 3-6, sa 1st round sa Canadian Open kagahapon sa buntag, Biyernes, Agusto 7, 2026 (PH time), sa Toronto.
Sa pagsugod sa 1st set, nanginit dayon ang panag-uban nila ni Kato ug Samsonova aron iposte ang 2-0 nga labaw.
Hinuon, ninggukod sila si Eala ug Williams hangtod nga natabla nila ang duwa, 4-4.
Apan human niini, nirehistro og duha ka sunodsunod nga kadaugan sila si Kato ug Samsonova aron dag-on ang set.
Sa 2nd set, mas nagbangis sila si Kato ug Samsonova aron iposte ang 4-0 nga labaw ug wala na sila nilingi pagbalik hangtod hingpit nilang naangkon ang kadaugan ning hinampakay. / ESL