Nakaabante sa second round si Filipina tennis ace Alex Eala ug ang iyang partner nga si Mexican Renata Zarazua sa French Open women’s doubles tournament.
Kini human gipangpilde nila ni Eala ug Zarazua ang panagpares nila ni Emily Appleton sa United Kingdom ug Yvonne Cavalle-Reimers sa Spain, 7-5, 6-4, ning Miyerkules, Mayo 28, 2025 (PH time).
Human sa sikit nga hinampakay sa first set, nakaposte og 3-1 nga labaw sila si Eala ug Zarazua una ning-rally sila si Appleton ug Cavalle-Reimers aron tablahon ang duwa, 4-4.
Hinuon, ningbawi sila si Eala ug Zarazua aron dag-on ang nagsunod duha ka mga duwa.
Sa second round, kontrahon nila ni Eala ug Zarazua ang panagpares nila ni Olga Danilovic sa Serbia ug Anastasia Potapova sa Russia. / ESL