Usa ka magnitude 6.1 nga linog nitay-og sa pipila ka bahin sa Eastern Visayas sa Huwebes, Nobiyembre 2, 2023.
Ang linog, nga tectonic ang gigikanan, miigo sa 51 kilometros amihanang-sidlakan sa Hernani, Eastern Samar mga alas 2:50 sa hapon, matod sa Philippine Institute of Volcanology and Seismology (Phivolcs).
Nasinati kini sa Instrumental Intensity 2 sa Quinapondan ug Can-Avid, Eastern Samar; ug Villaba, Abuyog, Calubian, Carigara, ug Leyte sa probinsya sa Leyte.
Ang linog, nga adunay gilawmon nga 48 kilometros, nabatyagan usab sa Instrumental Intensity 1 sa Mahaplag, Javier, ug Hilongos sa Leyte; Rosario sa Northern Samar; ug Hinunangan sa Southern Leyte.
Matod sa Phivolcs nga gipaabot ang kadaot ug aftershocks, apan gisalikway niini ang posibilidad sa tsunami, kay matod pa walay hulga sa tsunami sa nasod. / LMY