Editoryal: Angay bang undangon ang CBRT project?

Editoryal: Angay bang undangon ang CBRT project?
Editorial Cartoon by Ariel Itumay

Human nasayod si Konsehal Jocelyn Pesquera sa mga suliran nga giatubang sa padayon nga gitrabaho nga Cebu Bus Rapid Transit (CBRT), niingon siya nga angay nga hunongon kini nga proyekto. Iyang awhagon ang iyang kaubanan sa Konseho sa pagpahunong sa proyekto.

Iya ning giluwatan human si Konsehal James Cuenco, committee on transportation chairman sa Konseho, nisugyot nga mas maayo pang mangita og laing paagi sa pagsulbad sa suliran sa trapiko kay dunay mga timailhan nga mamahimo kining pakyas sa pagsulbad, sama sa nahitabo sa Thailand ug Vietnam.

Sa pagpatuman lang gud ani nga proyekto, grabe na kaayo ka langay. Naaprubahan ni sa 2014, sa panahon ni anhing Presidente Benigno Aquino III, apan sa 2023 lang nasugdan sa pagtrabaho o hapit na mag 10 ka mga tuig ang nakalabay.

Samtang nagdagan ang trabaho, anam-anam nilang nakita ang daghan nga mga problema nga dala sa CBRT. Nagpahigip-ot kini og samot sa karsada nga gagmay kaayo. Di kini makagarantiya nga mominos ang mga sakyanan sa kadalanan tungod kay naandan na sa tawo nga modala niini kay status symbol baya ang pagpanag-iya.

Samtang mosaka ang ekonomiya, magkadaghan ang mga tawo nga mamalit og sakyanan. Inay mominos, modaghan pa hinuon.

Usa sa mga tumong sa maayong public transport mao ang pagpaminos sa mga sakyanan sa kadalanan. Busa, ang tumong sa BRT mao ang maayo nga public transport, apan ang unang maigo mao ang mga PUV nga nagsubay sa mao nga mga karsada, di ang pribado’ng mga sakyanan nga maoy numero uno’ng contributor sa paghuot sa trapiko.

Apan angay bang hunungon ang proyekto nga gigastuhan na og dul-an sa P1 billion? O ipadayon apan tun-an kon unsa nga laing paagi sa pagpaluag sa kadalanan nga mo-compliment sa mao nga proyekto?

Tungod aning bag-ong nitumaw karon nga obserbasyon, lain na sab ning rason unya sa kalangay sa proyekto.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph