Human sa dul-an duha ka dekada nga pagkadelatar, gilauman nga makabuylo na ang Cebu Bus Rapid Transit (BRT) sa Dakbayan sa Sugbo. Kini maoy gipahibalo ni Transportation Secretary Vince Dizon sa Miyerkules, Hulyo 23, 2025.
Matod niya nga adunay ipahigayon nga test run sa Phase 1 sa mass transportation project sa unang semana sa Septiyembre diin 20 ka buses sa CiBus ang padaganon.
“After 13 long years of waiting, the people of Cebu and Cebu City will be experiencing first-hand the BRT system, at least the 1st phase of the Cebu BRT in one month time,” matod ni Dizon sa Hulyo 23.
Kini nga deklarasyon nagsunod sa usa ka miting uban sa mga opisyal sa Sugbo, lakip sila Gobernador Pamela Baricuatro, Mayor Nestor Archival, ug Bise Mayor Tomas Osmeña.
Ang pagkadinalian sa pagpadayon makita, ilabi na nga gikonsiderar ang bag-o nga pasidaan sa World Bank bahin sa hinay nga pagpatuman sa proyekto.
Gibutyag ni Dizon nga ang pilot run maglangkob sa tulo ka bus stations subay sa 13-kilometros nga ruta, gikan sa Cebu South Bus Terminal (CSBT) paingon sa Cebu Provincial Capitol.
Samtang gi-finalize pa ang disenyo, lakip na ang estasyon atubangan sa Kapitolyo, ang panaghiusa sa pag-abli sa BRT usa ka praktikal nga lakang.
“In the meantime, we can already run the system as suggested by Vice Mayor Tommy (Osmeña) kahit wala pa yung stations sa Capitol, pwede na nating patakbuhin ang three stations,” sumala sa kalihim.
Kini nga praktikal nga pamaagi nga gisuportahan ni Gobernador Baricuatro, nag-una sa pagpahimo sa sistema nga operasyonal imbes nga maghulat nga mahingpit ang matag detalye.
Ang pag-reassign sa mga CiBus units alang sa pilot run karong Septiyembre usa ka makatarunganong lakang.
Kini nga mga bus nga gilunsad niadtong 2020 para sa BRT, maghatag og sayong pagsugod. Bisan pa, importante gihapon ang plano sa DOTr nga makakuha og dugang bus. Bisan kon maayo ang pagsugod sa 20 ka operational units, dili kini igo aron masulbad ang dako nga problema sa transportasyon sa Metro Cebu.
Sukad pa 2008, sa panahon ni Mayor Osmeña gikonsepto na ang BRT. Dugay nang naghulat ang mga Sugboanon sa praktikal nga solusyon sa trapiko.
Kini nga unang hugna usa ka timaan sa pagpadayon ug paglaum nga sinugdanan kini sa mas episyente nga biyahe para sa tanan.