Editoryal: Leksiyon sa aksidente

Editoryal: Leksiyon sa aksidente
File photo

Duha ka mga kinabuhi ang nakalas sa aksidente nga naglambit sa lima ka mga sakyanan sa Osmeña Boulevard sa Barangay Sta. Cruz, dakbayan sa Sugbo, pasado alas 12:00 sa udto sa Huwebes, Pebrero 8, 2023.

Ang aksidente nahitabo sa bag-ong nahuman nga lane sa Package 1 sa Bus Rapid Transit (BRT) nga gipaagian sa mga sakyanan samtang wala pa hingpit magamit alang sa naasoy nga proyekto nga nalangay usab kaayo sa pagkahuman.

Ug mas milapas karon ang Osmeña Blvd. human sa pagtangtang sa center island nga klaro nga nag-uwang sa kanhi sa magkasugat nga lanes sa maong dalan ug way cone o plastic barrier nga naggiya sa mga motorista.

Ang resulta, mag-iyahay na lang og palusot ang mga nagmaneho og sakyanan. Uban nagpakusog og padagan sama sa nagmaneho sa sports utility vehicle nga Nissan Terra nga gimaneho ni Marcelino Denila.

Upat ka mga sakyanan ang nabanggaan ni Denila ug namatay ang duha ka mga nagsakay sa motorsiklo, ang drayber ug ang iyang angkas nga usa ka babaye, tungod sa grabeng impact. Nagpasabot kini nga kusog ang dagan sa SUV bisan sa sentrong dan sa dakbayan.

Leksiyon kini sa uban nga nagmaneho sa sakyanan nga kanunay hinumdoman ang defensive driving o magmatngon kanunay aron paglikay sa aksidente sa dalan.

Dako usab ang pangutana, nganong way igong giya sa maong dalan dihang giabli kini sa trapiko? Gipasagdan na lang ba kini sa Cebu City Traffic Office (CCTO)? Ang tagdumala ba sa BRT maoy mas reponsable ani?

Karon nga dunay nahitabo sa dapit, hinaot nga maleksiyon na ang mga hingtungdang otoridad nga mohimo og dinaliang lakang aron dili na masubli ang susamang hitabo.

Kini ang gikaingon nga unya na ba molihok kon may mahitabo na? Paet nga kamatuoran.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph