Gipahibalo ni DILG Secretary Jonvic Remulla nga nakig-alayon sila tali sa International Criminal Court (ICC) aron ipananghid nga katugotan si kanhi Presidente Rodrigo Duterte nga makapanumpa isip mayor-elect sa Davao City sulod sa ICC detention facility sa The Hague, Netherlands. Ang ambassador of the Philippines to the Netherlands maoy mo-administer sa oath taking ni Duterte.
Ang maong tinguha usa ka legal ug pormal nga proseso, apan dili kalikayan nga adunay makapangutana sa atong nasudnong kahimtang sa hustisya ug prinsipyo sa accountability.
Si Duterte naproklama nga mayor-elect nga gihulagway nga “overwhelming mandate” – timaan nga gimahal ug daghan pa gihapon ang nisuporta kaniya taliwala sa iyang absence human nga gibilanggo sa ICC.
Giatngan ang tubag sa ICC kon uyon ug supakon ba nila ang maong hangyo o tinguha.
Ang pagkasikop sa kanhi lider sa nasod tungod sa iyang giatubang nga kasong kriminal against humanity, naila si Duterte sa iyang adbokasiya sa iyang hugtanong pagsupak sa illegal drugs.
Ang intensyon nga manumpa si Duterte samtang nabilanggo sa laing nasod nagpaila sa iyang gahum ug adunay politikal nga impluwensiya.
Nabahin ang opinyon sa publiko kay sa higayon nga tugotan sa ICC ang pagpanumpa, kini magpasiugda nga bisan pa sa seryuso nga mga akusasyon batok sa kanhi presidente, mamahimo ra diay gihapon nga makapadayon sa serbisyo publiko—bisan nga anaa sa selda.
Unsaon man pagserbisyo ni Duterte sa iyang ga konstituente ngadto sa Davao kon anaa siya anaa sa layo? Ilabi na nga ang DILG mismo nitug-an nga “di pwede work from Hague.” Kon mao, unsa may punto sa iyang panumpa?
Kini mga pangutana lamang ilabi na nga daghan ang buot masayod sa klaro nga tubag labot sa maong hisgutanan, sayod kita nga gimahal hangtod karon si Duterte sa mga Pinoy ug gipili gihapon siya bisan sa iyang sitwasyon tungod kay misalig sa iyang liderato.
Hinuon gipasalig nga temporaryong mohulip isip acting mayor si Sebastian Duterte hangtod masulbad ang legal nga kahimtang sa mayor-elect.
Atong paabuton ang Septiyembre 23, 2025, ang schedule sa ICC alang sa confirmation of charges hearing ni Duterte aron pagdeterminar kon aduna bay igong ebidensiya nga ipadayon ang full trial sa pasangil nga crimes against humanity, sa iyang kampaniya batok sa ginadiling drugas.