Sa unang pamahayag ni Presidente Ferdinand Marcos Jr., pwerte nakabalibad niini nga dunay kalabotan sa pagdakop ni kanhi Presidente Rodrigo Duterte sa iyang pag-abot sa Ninoy Aquino International Airport (NAIA) gikan sa Hong Kong niadtong Martes sa buntag, Marso 11, 2025.
Ug sa samang adlaw, si Duterte gipasakay sa usa ka pribadong abyon padulong sa Dubai, UAE ug nibalhin sa usa ka flight sa Emirates paduong sa Hague, The Netherlands, ang base sa International Criminal Justice (ICC) pinaagi sa International Police (Interpol) Manila.
Sa pagtumaw sa kwestiyon kon nganong wala moagi o wa motahod sa korte sa nasod sa pagsikop ni Duterte, si Marcos nanghunaw ug nitumbok sa ICC nga nagmaniobra sa operasyon.
Ang daling pagdala ni Duterte ngadto sa The Netherlands gihulagway sa uban nga nahisama sa usa ka ‘kidnapping’ tungod sa kapaspas sa lihok.
Nataligam-an lang kaha ang pagsunod sa due process?
Apan mura'g makatuk-an ang ulahing pamahayag sa Malacañang sa Biyernes, Marso 14, 2025, nga nagkompirma nga ang kagamhanan sa Pilipinas maoy nag-abaga sa pagdala ni Duterte sa ICC sa The Netherlands.
Sa press conference, si Presidential Communications Office (PCO) press officer Undersecretary Claire Castro niingon nga dili siya makabutyag kon pila ang nagasto sa kagamhanan.
Atol sa administrasyon ni Duterte, ang Philippines ni-withdrew sa iyang pagkamiyembro sa Rome Statute, diin nagtukod sa ICC sa 2019.
Ang kasamtangang administrasyon ni Marcos Jr. nakahukom usab nga dili mobalik sa pagpasakop sa ICC.
Sa naasoy nga dagan sa estorya, klaro nga patay sa bakak si Marcos Jr. ug pipila ka taas nga opisyal sa kagamhanan. Nanumbalik ang karaang pamulitika.