Editoryal: Rama ‘wa’y papel’ atol sa Palaro

Editoryal: Rama ‘wa’y papel’ atol sa Palaro
Editorial Cartoon by John Montecillo

Taliwala nga dakong papel ni suspen­ded Cebu City Mayor Michael Rama nga mamahimong host ang dakbayan sa Sugbo sa Palarong Pambansa 2024, apan way apil ang mayor sa opisyal niini nga programa.

Ang siyudad sa Sugbo katapusang nahimong host sa Palaro niadto pang tuig 1994.

Naandan nga sa higayon nga adunay national event nga himuon sa usa ka local go­vernment unit (LGU), ang mayor maoy tahasan nga mo-welcome sa delegasyon ilabi na atol sa opening ceremonies.

Ang 2024 Palarong Pambansa gikatakda’ng ipahigayon sa Hulyo 9, 5 p.m. sa Cebu City Sports Center.

Apan tungod kay giserbisyohan pa ni Rama ang iyang unom ka buwan nga pagkasuspenso, dili kini makahimo sa mga buluhaton sa usa ka mayor.

Si Vice Mayor Raymond Alvin Garcia nagsilbing acting mayor sa siyudad sa Sugbo ang gipaabot maoy mangulo sa kalihokan ingon man ang iyang iyaan nga si Cebu Governor Gwendolyn Garcia nga mohatag og mensahe sa opening ceremonies sa Palaro.

Samtang si Rama una nang mipadayag sa iyang tinguha nga motambong sa Palarong Pambansa.

Namahayag kini sa pagpadaplin una sa ilang political differences alang sa kalampusan sa maong kalihokan.

Mao ni ang angayang atngan kon unsay mahitabo sa dagan sa programa atol sa opening ceremony sa Palarong Pambansa, dungan sa panghinaot nga hapsay ang dagan sa maong kalihokan.

Adunay tigpaniid sa Cebu City Hall nga nanghinaot nga wa lang untay mopugos sa pag­luwat og pakigpulong.

Kon mopugos man hatagan ba kaha og higayon sa kasamtanga’ng namuno sa siyudad nga maka-deliver sa iyang speech?

Magpaabot lang ta, mga Sugboanon atol sa pagbukas sa Palarong Pambansa.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph