Ang mando sa Department of Education (DepEd) nga ipahigayon sa tanang pampubliko ug pribadong, elementarya ug sekondarya’ng eskwelahan sa tibuok nasod ang simultaneous nga active attack safety drill sa Agosto 25.
Apan kinahanglan nga masabtan nato nga ang tumong niini gawas ang pagtuman sa mando, kondili ang pag-andam sa eskwelahan sa higayon nga adunay susama nga insedente.
Sa atong mga eskwelahan, ang seguridad dili mahimong itugyan lang sa mga guwardiya, pulis o administrasyon. Ang matag magtutudlo, kawani, estudyante ug ginikanan adunay papel sa pagpanalipod sa kinabuhi.
Apan kinahanglan usab nga dili nato kalimtan ang emosyonal ug psychological nga kahimtang sa mga bata nga nagkinahanglan og intervention.
Ang safety drill dili angay mahimong tinubdan sa dugang kahadlok o trauma.
Ang drill kinahanglan nga mahimong oportunidad sa pagpalig-on sa koordinasyon tali sa eskwelahan, lokal nga pangagamhanan, Philippine National Police, Bureau of Fire Protection ug mga disaster risk reduction office.
Ang maayong plano walay pulos kon wala kini masabti ug mapraktis sa mga tawo nga kinahanglan molihok niini.
Panghinaot nga sa Agosto 25, mahuman na ang atong pagtagad sa seguridad. Ang tinuod nga kaluwasan sa eskwelahan usa ka padayon nga buluhaton—gikan sa pag-andam, pagpugong sa hulga, tukmang pagtubag hangtod sa pagbangon human sa insidente.
Ang matag drill dili lamang ensayo. Kini usa ka pagpangandam aron nga kon moabot ang dautang panghitabo, ang kahibalo, disiplina ug panaghiusa mahimong makaluwas og kinabuhi.