Samtang gipaabot sa Sugbo ang paglingkod sa katungdanan ni Governor-elect Pam Baricuatro sa Hunyo 30, 2025, ang iyang transition team padayon nga naglihok, bisan pa sa dayag nga kakulang sa pormal nga koordinasyon gikan sa naglingkod nga administrasyon sa Kapitolyo.
Kini nga sitwasyon nagpasiugda sa kalig-on ug determinasyon sa bag-ong liderato nga gitugyan sa pagserbisyo sa mga konstituwente gikan sa unang adlaw.
Ang transition team ni Baricuatro nga gipangunahan ni Atty. Ed Lao mihimo og pro-active nga mga lakang aron masiguro ang hapsay nga pagbalhin.
Ang ilang bag-o lang nga tigom uban ni Department of the Interior and Local Government (DILG) Cebu Provincial Director Jesus Sastrillo Jr. niadtong Hunyo 19 nagpasiugda sa ilang pagsunod sa legal nga mga mando, ilabi na ang Section 445 sa Local Government Code, nga nagdiktar sa eksaktong oras sa paglingkod sa usa ka bag-ong gobernador.
Ang kumpirmasyon ni Sastrillo nga walay nahitabong hiniusang miting sa transition team sa naglingkod nga administrasyon angay gyud nga hatagan og pagtagad.
Apan namatikdan nga daghang mga department head ang nagsugod na sa pagsumite sa ilang mga dokumento.
Ang kamatuoran nga ang ubang mga department head nagsugod na sa pagbalhin sa mga dokumento, inubanan sa paghatag sa DILG og luwas nga digital platform alang sa pagbinayloay sa mga dokumento, nagsugyot nga nagpadayon ang kalambuan, bisan kon dili pinaagi sa tradisyonal, face-to-face nga mga pamaagi.
Kini nga pagpahaum sa mga sirkumstansiya nagpakita sa usa ka praktikal nga pamaagi gikan sa umaabot nga team.
“We are doing everything within legal bounds to prepare for Governor Pam’s assumption on June 30,” matod ni Lao.
“The people of Cebu deserve a stable and transparent government from Day One—and we will deliver,” siya midugang.
Sa pagkakaron, ang pagtambong sa naglingkod nga Gobernador Gwendolyn Garcia sa turnover ceremony nagpabilin nga dili sigurado.
Bisan kon ang iyang presensya sa walay duhaduha mag simbolo sa usa ka hiniusang transisyon, ang dili matarug nga pasalig sa transition team sa usa ka hapsay nga proseso, uban sa nasudnong mga ahensya sama sa DILG, Department of Budget and Management (DBM), ug Commission on Audit (COA), nagsiguro nga ang mahinungdanon nga mga mekanismo alang sa pagdumala magpadayon bisan unsa pay mahitabo.
Manghinaot kita nga alang sa kaayuhan sa Probinsiya sa Sugbo, molambo ang espiritu sa serbisyo publiko, ug ang transisyon maghatod sa usa ka gobyerno nga tinuod nga nagserbisyo sa iyang katawhan gikan sa unang adlaw.
Ang mga lihok sa grupo ni Baricuatro, ingon sa gipasiugda ni Ruben Licera, tigpamaba, gigiyahan sa mga prinsipyo sa propesyonalismo, transparency, inclusivity, ug accountability.