Gikuwestiyon sa Commission on Audit (COA) ang nadaot na sab nga rubberized track oval sa Cebu City Sports Centerbisan pa nga bag-uhay lang gipaayo apan nangalangkat na sab ang ubang bahin sa track surface.
Ang proyekto, nga giandam alang sa Palarong Pambansa niadtong 2024, atong mahulagway nga adunay mga kalapasan, kakulangan sa dokumento, ug kakuwang sa hustong pag-monitor.
Subay sa audit report sa COA, nasuta nga ang kontraktor sa maong proyekto nga SBD Builders Inc., expired na ang lisensiya sa Philippine Contractors Accreditation Board, niduso sa giingong karaan na nga eligibility documents sa bidding ug implementation.
Makapangutana ang mga magbubuhis sa Dakbayan sa Sugbo: Nganong gitugotan nga makadaug sa proyekto ang maong kontraktor bisan klaro nga adunay kakulangan sa rekisitos?
Tungod niini nga kalambuan, si Cebu City Mayor Nestor Archival nipatawag sa kontraktor aron mangayo og katin-awan ingon man mahisgutan ang reklamo batok sa maong pasilidad.
Ang mga Sugboanon nangayo og subay sa maong kontrobersiya.
Busa, ang among panawagan sa COA ug city government: tukma, tataw ug ug lig-on nga imbestigasyon, aron maklaro ang tanan.