Nisidlak ang kahayag sa edukasyon ug paglaom sa komunidad sa Soong, Mactan, Dakbayan sa Lapu-Lapu human sa kalampusan sa volunteer-driven nga mga programa sa Hokkomslow Learning Center niadtong bulan sa Hulyo 2025.
Ang center nga gitukod gikan sa panglantaw sa founder nga si Han Joohyeon, nagpadayon sa pagpahanas sa kabatan-onan pinaagi sa after-school activities, literacy programs, ug wellness initiatives alang sa Kinder hangtod Grade 3 nga mga estudyante.
Sa matag sesyon, makita ang kahinam ug kalipay sa mga bata nga ganahan nga moapil sa storytelling ug literacy classes.
Ang tinguha sa Hokkomslow dili lang limitado sa mga kabataang regular nga nag-eskwela, kondili apil sab ang Alternative Learning System (ALS) students nga gitabangan nila matag adlaw sa Biyernes ug Sabado.
Pinangulohan ni Teacher Baby ug Mr. Gabriel, ang ALS learners nakakaplag og usa ka komunidad nga nagasuporta sa ilang personal ug akademikong paglambo.
“Seventeen years ago, while raising my son in the Philippines, I discovered hope in the sun, the warmth of the people, and the smiles of the children. I wanted to question the reality that poverty could decide a child’s fate. That question led me to create Hokkomslow—an education that waits for children to grow ‘a little slowly,’ respecting their pace,” matod ni Han.
Karon, ang maong panglantaw nakaabot na sa Soong Dumpsite community.
“When governments and communities unite, we can change the future of an entire generation. Let this be a bridge of hope for children in the Philippines, Korea, and beyond,” dugang niya.
Ang Hokkomslow Learning Center dili lamang usa ka lugar alang sa leksyon, kondili usa ka simbolo sa volunteerism ug paglaom.
Sa matag bisita, adunay bag-ong oportunidad, abilidad, ug damgo nga ginahatag alang sa tanang magtutungha nga nagapamatuod nga pinaagi sa pasensya, pag-atiman, ug panaghiusa, mahimo gayud nga matuman ang damgo sa matag bata. / PR