Wala pa masayri kon kanus-a makabalik pagduwa si Philadelphia 76ers All-Star center Joel Embiid sa 2023-24 season sa National Basketball Association (NBA).
Ang kasamtangang MVP nakatakdang magpa-opera sa iyang wa nga tuhod sulod ning semanaha.
Ang pagpaalim niini gilaumang molanat og mga semana o kaha mga buwan ug posible sab sa tibuok season.
Tungod niini, segurado nang dili ma-MVP og balik si Embiid tungod kay dili na man siya makaabot sa 65 ka mga duwa nga gikinahanglang maapilan aron mahimo’ng kandidato sa labing taas nga pasidungog.