Nagkanayon si Philadelphia 76ers center Joel Embiid nga posibleng moagi na sab siya’g laing operasyon sa iyang wa nga tuhod, nga naghatag kaniya og kahasol sa iyang pagduwa sa 2024-25 National Basketball Association (NBA).
Ang wa nga tuhod ni Embiid wala pa hingpit nga naalim sukad sa pagkaangol niini niadtong Enero 30, 2024. Gioperahan siya niadtong panahuna.
Niduwa si Embiid ning Lunes, Pebrero 10, 2025 ug nimugna kini’g 27 puntos sa pilde sa 76ers batok sa Milwaukee Bucks, 127-135.
Matod ni Embiid kon magkagrabe ang iyang angol, magpa-opera siya og balik. / Gikan sa AP