HUMAN nahunong niadtong tuig 2020 tungod sa Covid-19 pandemic, pormal na nga nabalik ang Emil’s Fresh Chicken Fiesta Cup Basketball Invitational kagahapon sa gabii, Hulyo 20, 2025, sa Barangay Lipata-Linao Sports Complex sa Minglanilla, Sugbo.
Ang multi-titled University of the Visayas (UV) Baby Lancers, ni Ronald Bucao nakigtigi sa University of Cebu (UC) Baby Webmasters ni Reggie Licanda sa main game.
Samtang, ang UC-Lapulapu/Mandaue ug University of Southern Philippines-Foundation (USP-F) Baby Panthers mao ang miabli sa liga sa opening game.
Ang liga nga giorganisar sa Oberes Family gisalmotan og walo ka teams.
Naa sa Bracket A ang UC, University of San Jose-Recoletos (USJ-R) Baby Jaguars, UV Baby Lancers, ug Cebu Institute of Technology-University (CIT-U) Baby Wildcats, samtang sa Bracket B ang UCLM, Benedicto College (BC) Baby Cheetahs, Cebu Eastern College (CEC) Baby Dragons, and USP-F Baby Panthers. / JBM