Masinati og sugod sa Central Visayas ang epekto sa habagatang-kasadpang monsoon (Habagat) sa sunod semana, nga adunay mas kanunay nga localized nga pag-ulan, dugdog ug kilat nga gilauman hilabi na sa kahapunon ug kagabhion, sumala sa Philippine Atmospheric, Geophysical and Astronomical Services Administration (Pagasa) Visayas.
Ang weather specialist sa Pagasa Visayas nga si Ana Dumdum, sa usa ka interbyu sa telepono sa SunStar Cebu niadtong Dominggo, Hunyo 1, 2025, niingon nga bisan padayong makasinati ang rehiyon og hapsay ngadto mapanganurong panahon, mas gilauman ang mga pag-ulan, dugdog ug kilit ning semanaha.
“Although the skies remain partly cloudy to cloudy, we’re now seeing more signs of afternoon and evening thunderstorms across Cebu and Bohol,” matod ni Dumdum.
Gipasabot ni Dumdum nga ang rehiyon kasamtangang anaa sa usa ka transisyonal nga panahon, diin ang mga meteorological nga indikasyon— sama sa pagkahuyang sa easterly winds ug ang dominasyon sa southwesterly wind flow— nagpaila sa inisyal nga epekto sa habagatang-kasadpang monsoon.
Taliwala niini, gitataw ni Dumdum nga ang opisyal nga pagsugod sa ting-ulan wala pa gideklarar.
“Expect ta nga within the couple of weeks kay naa lang tay gihulat nga laing criteria nga para maka-announce nga onset na gyud sa rainy season,” matod ni Dumdum.
Sa laing bahin, ang Pagasa national office nagpagawas og usa ka bulletin niadtong Biyernes, Mayo 30, nga pormal nga nagdeklarar sa pagsugod sa habagatang-kasadpang monsoon sa kasadpang bahin sa Luzon.
Ang pahibalo gibasi sa sa padayong low-level southwesterly winds ug sa presensya sa usa ka frontal system sa Extreme Northern Luzon isip mga indikasyon sa kalihukan sa Habagat. Kini nga mga kausaban, uban sa pagkahuyang sa easterlies, maoy usa sa mga timailhan sa ting-ulan.
“As the Habagat becomes more dominant, occasional to frequent rains and thunderstorms are expected, particularly over the western sections of the country. This may lead to the possible onset of the rainy season within the next two weeks,” tipik sa pamahayag sa Pagasa national office. / CDF