Nanggawas karon sa social media ang nagkadaiyang hulagway sa chef ug content creator nga bana ni Anne Curtis nga si Erwan Heussaff nga naglaag sa Sugbo.
Makita sa mga hulagway nga nag-shoot kini sa nagkadaiyang kan-anan sa Sugbo nga content sa iyang online channel sa Youtube.
Gibisita ni Erwan sa Martes, Agusto 5, 2025, ang "Tabo sa Kapitolyo" sa Kapitolyo aron tilawan ang nagkadaiyang delicacy sa mga lungsod ug dakbayan sa Lalawigan sa Sugbo.
Spotted sab siya nga nag-shoot sa Lumpia House sa Manalili diin gitilawan niini ang nagkadaiyang baligya sa kan-anan.
Samtang niadtong Lunes sab, nakit-an si Erwan nga ga-shoot og content sa Sinigang sa Tisa sa Barangay Tisa. / HBL