Eskwelahan nasunog

NAUGDAW: Usa ka karaang edipisyo sa tunghaang elementarya sa Barangay Madridijos, lungsod sa Alegria, nasunog, alas 9:30 sa gabii, Dominggo, Enero 14, 2024.
NAUGDAW: Usa ka karaang edipisyo sa tunghaang elementarya sa Barangay Madridijos, lungsod sa Alegria, nasunog, alas 9:30 sa gabii, Dominggo, Enero 14, 2024. Alegria Municipal Police Station

Usa ka edipisyo sa tunghaan nga elementarya sa Barangay Madridijos, lungsod sa Alegria, habagatan sa lalawigan sa Sugbo, nasunog, alas 9:30 sa gabii, Dominggo, Enero 14, 2024.

Ang karaang building sa Madridejos Elementary School hingpit ugdaw ug ang sunog gipasaka sa first alarm ug gideklarar sa mga bombero nga fire out sa alas 10:20 sa gabii.

Nirespondi usab sa maong sunog ang mga sakop sa Alegria Municipal Disaster Risk Reduction Management Office (AMDRRMO) ug kapulisan sa Alegria nga ubos sa pagpangulo sa ilang hepe nga si Police Capt. Alexius S. Tangub.

Sa pasiunang imbestigasyon sa kabomberohan nasuta nga ang maong karaang edipisyo ginama sa kahoy nga gilangkuban sa class room sa Grades 3, 4 ug 5.

Sumala sa kabomberohan, posibling hinungdan sa sunog mao ang faulty electrical wiring tungod sa kakaraan na usab niini.

Ang maong sunog nagbilin sa danyos nga gibanabana sa kabomberohan nga P210,708.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph