Ex-con gipusil, patay

GIPUSIL-PATAY: Ang 42 anyos nga lalaki gipusil-patay sa nagmotorsiklo sa R. Duterte Road, Sitio Banawa, Barangay Guadalupe, dakbayan sa Sugbo, alas 9:30 sa buntag, Dominggo, Pebrero 25, 2024.
GIPUSIL-PATAY: Ang 42 anyos nga lalaki gipusil-patay sa nagmotorsiklo sa R. Duterte Road, Sitio Banawa, Barangay Guadalupe, dakbayan sa Sugbo, alas 9:30 sa buntag, Dominggo, Pebrero 25, 2024. Arnold Y. Bustamante

Patay ang usa ka 42 anyos nga lalaki human pusila sa riding in tandem sa R. Duterte Road, Banawa, Barangay Guadalupe, dakbayan sa Sugbo, alas 9:30 sa buntag, Dominggo, Peb­rero 25, 2024.

Ang biktima giila nga si Jeffrey Havel Sahol, 42, taga Doña Christina, Banawa sa Gu­adalupe, nakaangkon og mga samad pinusilan.

Sa imbestigasyon sa Guadalupe Police Station nasuta nga samtang nag-estambay ang biktima sa dapit, kalit lang nga naabot ang duha ka mga lalaki sakay sa usa ka motorsiklo ug ang driver niini ang kalit lang nga namusil.

Human sa insidente, dali nga misibat ang mga mamumuno sakay sa itom nga motorsiklo palayo sa dapit.

Gihulagway sa mga saksi nga ang duha ka mga mamumuno wala mag-helmet ug ang angkas niini maklaro ang panagway.

Matod ni Police Major Paul Kenneth Albotra, hepe sa Guadalupe Police Station, nga nag sulod-gawas na sa bilanggoan si Sahol ug niadtong Huwebes lang kini nga nakagawas sa Cebu City Jail sa kaso niini sa illegal nga drugas ug armas.

Bisan nga bag-o pa nga naka- gawas sa bilanggoan, mibalik ni sa iyang naandan nga negosyo nga mao ang pagpamaligya og illegal nga drugas.

Drugas ang usa sa gitan-aw nga motibo sa krimen sanglit sa nakuha nga kasayuran sa kapulisan, dako og nadispalko nga kwarta ang biktima sa usa ka drug personality.

Nagpadayon pa karon ang gihimong imbestigasyon ilabi na sa pagsusi sa mga kuha sa CCTV camera sa dapit.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph