Ex-convict patay human gipauwanan og mga bala sulod sa iyang gipuy-an alas 11:41 sa gabii Lunes, Hulyo 21, 2025, sa Lily Compound Barangay Biasong, Dakbayan sa Talisay.
Si Frecar Ramas, 45-anyos, ex-convict, taga Sitio Proper, Brgy. Ermita, Dakbayan sa Sugbo patay human nakaangkon og daghang samad pinusilan sa kalawasan.
Ang mga nakasaksi nibutyag nga sa wala pa nahitabo ang pagpamusil, giingong adunay upat ka wala mailhing lalaki nangita sa biktima.
Si Lt. Col. Atty. Maila C. Maramag, hepe sa Talisay City Police Station nagkanayon nga drugas ang motibo sa krimen.
Gibutyag niini nga sulod gawas sa prisuhan ang biktima tungod sa kaso sa ilegal nga drugas.
Nakagawas siya sa bilangguan niadtong 2024.
Wala isalikway ang posibilad nga nagpadayon pa kini sa ilegal nga kalihukan sanglit sa crime scene dunay mga pinakite sa drugas ingon man armas.
Nasubay sab sa kapulisan nga usa kabulan pa lang nag-boarding house ang biktima sa dapit.
Gikatahong dunay siyay mga higala nga mag-anhaan sa iyang gipuy-an.
Sumala pa ni Maramag nga gawas sa ilegal nga drugas, ang biktima usa sab ka sakop sa “gun-for-hire. / GPL