Fajardo mangulo sa SAC-SMB awardees

Farjardo.
Farjardo.File

Gianunsyo na sa Sportswriters Association of Cebu (SAC) ang gitawag og “Elite 19”, ang grupo sa major awardees sa 38th SAC-San Miguel Beer (SMB) Cebu Sports Awards nga gikatakda karong Mayo 26, 2024 sa The Terraces sa Ayala Center Cebu.

Ang kalihukan, nga mopasidungog sa top-performing Cebuano athletes, sugdan sa alas 4:00 sa hapon.

Mangulo sa grupo mao ang Sugboanong higante nga si June Mar Fajardo, ang dominanteng sentro sa San Miguel Beermen nga nikulit og kasaysayan sa Philippine Basketball Association (PBA) human niya nadaug ang iyang ikapito’ng MVP award niadtong 2023.

Ang boksidor nga si Melvin Jerusalem nahilakip sab sa grupo human siya nahimo’ng World Boxing Organization (WBO) minimumweight champion niadtong 2023 pinaagi sa pagposte og 2nd round knockout nga kadaugan batok kang Japanese Masataka Taniguchi.

Makig-uban nila ni Fajardo ug Jerusalem mao sila si stick fighters Trixie Lofranco, Maria Ella Alcoseba, ug Dexler Bolambao, pool player Rubelin Amit, ug golfer Junia Gabasa.

Mokompleto sa major awardees mao sila si Angelo Marquez (dancesport), Polaris Esports (e-sport), Eliecha Zoey Malilay, Elisa Xoe Malilay, ug Angel Sanchez (jiujitsu), William John Riley Go (karting), Margielyn Didal (skateboarding), Aidaine Krishia Laxa (taekwondo), Matthew Justine Hermosa (triathlon), Elreen Ando (weightlifting), ug Ronil Tubong (wrestling).

Ang tanang major awardees mao ang mga kandidato alang sa pagpili sa prestihiyusong Athlete of the Year award.

Ang ubang awards nga ipanghatag sa SAC mao ang Sportsman of the Year, Presidential Awardee, ug Orlacsan Award.

Ang SAC, nga gipangulohan sa presidente niining si John Pages, usa ka beteranong sports journalist ug kasamtangang tsirman sa Cebu City Sports Commission, motunol sab og posthumous awards ngadto sa sports personalities nga nakatampo sa pagpalambo sa paugnat sa kusog una ningpanaw sa kalibutan. / Pooled Report

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph