Fajardo napiling PBA POW sa labing unang higayon

Fajardo
FajardoFile

Sa labing unang higayon, napili si San Miguel Beermen center June Mar Fajardo isip Press Corps-Pilipinas Live Player of the Week sa Philippine Basketball Association (PBA) Season 48 Commissioner’s Cup.

Karon pa lang nakaarte og maayo ang seven-time MVP gumikan kay taodtaod sab siyang wala nakaduwa gumikan kay nagpaalim kini sa nabali niyang wa nga kamot.

Apan sa iyang pagbalik, ang produkto sa University of Cebu (UC) Webmasters ug lumad nga taga Pinamungajan, Cebu nipagawas dayon og kabangis aron tabangan ang Beermen nga makabalik sa finals pinaagi sa pagbutlog sa Brgy. Ginebra Gin Kings, 3-0, sa best-of-five semi-finals series.

Sa kinatibuk-ang semi-finals series, si Fajardo lang ang sakop sa Beermen nga nag-average og double-doubles nga 15.3 puntos ug 11 ka rebounds.

Nalupig ni Fajardo sa inilugay sa matag semana nga pasidu­ngog ang iya ra sab nga kauban nga si CJ Perez, kinsa nag-ave­rage og 18 puntos ug 7 ka rebounds sa miaging semana.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph