Fake STL booklets nasakmit

■ SUSPEK: Si Isdelito Libradilla Baring, nailhan usab nga ‘Esde Baring’, 50, taga dan D. Jakosalem, Barangay Kamagayan, dakbayan sa Sugbo, suspek sa pagpamaligya og peke nga small town lottery (STL) booklets, nasikop sa entrapment operation sa National Bureau of Investigation Cebu District Office (NBI-CebDO) sa Miyerkules, Pebrero 28, 2024. Estorya sa pahina 2. / HONEY I. COTEJO
■ SUSPEK: Si Isdelito Libradilla Baring, nailhan usab nga ‘Esde Baring’, 50, taga dan D. Jakosalem, Barangay Kamagayan, dakbayan sa Sugbo, suspek sa pagpamaligya og peke nga small town lottery (STL) booklets, nasikop sa entrapment operation sa National Bureau of Investigation Cebu District Office (NBI-CebDO) sa Miyerkules, Pebrero 28, 2024. Estorya sa pahina 2. / HONEY I. COTEJO
■ SUSPEK: Si Isdelito Libradilla Baring, nailhan usab nga ‘Esde Baring’, 50, taga dan D. Jakosalem, Barangay Kamagayan, dakbayan sa Sugbo, suspek sa pagpamaligya og peke nga small town lottery (STL) booklets, nasikop sa entrapment operation sa National Bureau of Investigation Cebu District Office (NBI-CebDO) sa Miyerkules, Pebrero 28, 2024. Estorya sa pahina 2. / HONEY I. COTEJO
■ SUSPEK: Si Isdelito Libradilla Baring, nailhan usab nga ‘Esde Baring’, 50, taga dan D. Jakosalem, Barangay Kamagayan, dakbayan sa Sugbo, suspek sa pagpamaligya og peke nga small town lottery (STL) booklets, nasikop sa entrapment operation sa National Bureau of Investigation Cebu District Office (NBI-CebDO) sa Miyerkules, Pebrero 28, 2024. Estorya sa pahina 2. / HONEY I. COTEJO

Gidakop ang 50-anyos nga lalaki nga suspek sa pagpamaligya og peke nga pustahanan nga booklet alang sa Small Town Lottery (STL) ug gigamit niini ang ngalan sa kompaniya nga King Dragon Gaming and Amusement Corp.

Nasikop sa entrapment operation sa National Bureau of Investigation Cebu District Office (NBI-CebDO) sa Miyerkules, Pebrero 28, 2024, mao si Isdelito Libradilla Baring, nailhan usab nga ‘Esde Baring’, taga dan D. Jakosalem, Barangay Kamagayan, dakbayan sa Sugbo.

Si Arnel Pura, NBI-CebDO (Mandaue) agent-in-charge, namahayag sa press conference sa Huwebes, Pebrero 29, nga si Baring gidakop human si Christian Carlos, operations manager sa King Dragon, nangayo og tabang sa buhatan.

Ang King Dragon usa sa mga authorized agents corporation (AAC) sa Philippine Charity Sweepstakes Office (PCSO) nga mo-operate sa STL. Ang ilang buhatan naa sa SL Technopark sa Brgy. Gabi, lungsod sa Cordova.

Gihisgutan ni Carlos nga maayo ang ilang halin sa una dihang nagsugod sila sa pag-operate sa Sugbo niadtong Oktubre 21, 2023. Namatikdan ang inanay nga pagkunhod sa ilang kita.

Human sa internal audit, nadiskubrehan nga ang pipila ka mga tiket nga gi-turnover sa ilang mga nakadaug nga bettors wala marehistro sa ilang sistema.

Ang management nisang-at og reklamo human nanginahanglan sila og dugang ebidensiya aron pagsuporta sa ilang pangangkon.

Human nakadawat og reklamo, gikompirmar ni Pura nga nihimo og inisyal nga imbestigasyon ang NBI-CebDO diin nasayran nga si Baring maoy nag-unang distributor sa peke nga King Dragon STL ticket.

Nasuta sa imbestigasyon nga si Baring nang-apud-apod og peke nga King Dragon STL ticket sa mga lungsod sa Balamban, Consolacion, Argao, ug mga dakbayan sa Talisay, Carcar, ug Danao.

Aron makompirmar ang impormasyon, ang mga ahente sa NBI nagpakaaron-ingnong pumapalit ug nipalit og 100 ka booklet duha ka adlaw sa wala pa ang entrapment operation niadtong Lunes, Pebrero 26.

Niadtong Miyerkules, atol sa aktuwal nga operasyon, nasakmit sa mga otoridad ang 140 ka dugang nga pekeng King Dragon STL ticket apan walay nakuha’ng kuwarta gikan kang Baring

FAKE TICKETS

Gitambagan ni Pura ang bettors nga mopalit lang sila sa ilang mga tiket sa mga otorisadong outlets sama sa yellow-colored stalls nga dunay opisyal nga marka sa PCSO.

Gihisgutan ni Carlos nga kon ang mga bettor mopalit og peke nga mga tiket sa STL, partikular nga mga tiket sa King Dragon STL, dili sila makadawat sa ilang premyo nga cash sa pagpusta kon sila makadaug.

Gitug-an usab ni Pura nga imposible nga masubay sa bettors ang mga peke nga tig-apud-apod sa tiket aron makuha ang ilang premyong salapi tungod kay human ma-disburse ang mga tiket, ang ginansya diretso sa usher, coordinator, ug financier sa maong mga peke nga tiket.

Sa interbyo sa media, si Baring nihimakak nga adunay direktang kalambigitan sa pagbaligya sa mga peke nga tiket sa STL.

Iyang gitug-an nga ang mga tiket gitipigan lang sa iyang balay sa iyang duha ka mga kauban nga taga Balamban ug Danao.

Dugang pa, giklaro ni Baring nga wala gyud siya masayod nga peke ang mga tiket, ug gihangyo na lang siya sa duha nga ihatod kini ngadto kanila.

Gibayran siya og P2 matag ticket booklet sa iyang mga higala nga dunay tig-imprenta sa Junquera St., dakbayan sa Sugbo alang sa mga tiket.

Ang kaso gipasaka na sa Cebu City Prosecutor’s Office, alas 2:00 sa hapon sa Huwebes, Pebrero 29, 2024. Kasamtangang gikustodiya sa NBI-Cebdo ang suspek ug pabilin kini hangtod nga makapiyansa.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph