○ Mga sagol:
– 1 ka tibuok manok
– 1 ka kutsara nga asin
– 1 ka tibuok sibuyas bombay
– 1 ka tibuok nga ahos
– 1 ka kutsara sa tibuok peppercorn
– 1 ka stalk sa sibuyas dahunan
– Tubig, aron ipabukal
– 2 ka kutsara sa butter
– 1 ka kutsara sa mantika
– ⅓ tasa sa harina
– 2 ka tasa sa sabaw sa manok
– ½ kutsara sa soy sauce
– Templahi og bag-ong cracked black pepper
○ Sides:
– Saging sab-a
– Mantika, pangprito
○ Unsay buhaton:
1. Ibutang og plato ang tibuok manok. Butangi og asin ang sulod ug gawas sa manok. Ipahid sa tibuok lawas.
2. Tungaa ang sibuyas bombay ug ahos. Isulod sa manok. Idugang ang peppercorns. Pikuta ang masig katumoy gamit ang toothpick. Higti ang pako paubos sa manok ug ibalhin sa usa ka kulon.
3. Butangi og tubig ang kulon, mga 3/4 ang kapun-on. Isagol ang sibuyas dahunan ug peppercorns. Tabuni og lutoa og mga 20 minutos. Human sa 20 minutos, kaligua ang manok sa sabaw. Taboni na sab ug pabukala og pipila ka minutos.
4. Kon ang manok medyo luto na, hauna ang manok sa kulon ug pabugnawa og usa ka gabii.
5. Iyabo amg sabaw sa usa ka bowl. Inita ang kaldero, unya butangi og butter ug vegetable oil. Idugang ang harina. Ukaya hangtod mag blond ang kolor. Human maabot ang imong gusto nga kolor, hinaya og yabo ang sabaw sa manok. Seguraduha ang padayon nga pag-ukay aron way magburot. Isagol ang soy sauce alang sa kolor. Idugang ang cracked pepper. Ukaya og maayo.
6. Kon ang manok bugnaw na ug uga, inita ang mantika. Mantikai ang sab-a hangtod nga mag golden brown. Human sa pagprito sa sab-a, ibutang ang manok sa kaldero nga dunay init nga mantika. Yab-i og mantika ang tibuok manok. Tuyoka og panagsa ang manok. Maluto na ang manok human sa 15-18 minutos.
7. Ang manok naluto na kon mantika na ang mogawas, di dugo kon imong ipagawas ang sobrang drip. Pabugnawa og makadiyot unya i-serve uban sa sab-a ug side gravy.