ANG hagit karon sa legendary boxer nga si Manny Pacquiao mao ang unsaon paglupig sa gitawag nga “Father Time” sa iyang away kontra welterweight champion Mario Barrios sa sunod buwan sa Las Vegas.
Sa edad 46 makigtigi si Pacquiao sa 30-anyos nga si Barrios. Nag professional debut si Pacquiao Enero sa tuig 1995, upat ka buwan human ato natawo si Barrios.
Si Pacquiao napatik sa kasaysayan isip bugtong boksingero nga nakadaug og world titles sa walo ka lain-laing timbang, gikan sa flyweight hangtod sa super welterweight.
Gipangpilde niya ang mga dag-kong pangalan sa boxing sa-ma nila Oscar De La Hoya, Ricky Hatton, Miguel Cotto, Juan Manuel Marquez, Erik Mo-rales, ug Marco Antonio Barrera. Niadtong Agosto 2021, napildi si Pacquiao pinaagi sa unanimous decision batok sa Cubanong si Yordenis Ugás, nga maoy giilang iyang katapusan nga away sa wala pa siya miretiro.
Atol sa ilang engkuwentro ni Ugás, klaro nga hinay ug dili na aktibo si Pacquiao — daw hapit na gayud molugsong gikan sa ring. Matod niya, daghan ang hinungdan sa maong performance: politikal nga responsibilidad, kaso nga gisang-at sa dating promoter nga Paradigm Sports Management, ug sakit sa kaunoran nga misamot human siya gi-masahe sa wala pa ang dula.
Wala pa mopadayag si Pacquiao kung magpadayon ba siya ug mupangita og sunod nga mga bituon sa boxing human sa iyang away kontra kang Barrios.
“I’m younger, I have youth on my side, he has the experience, but I have to go out there and use all that advantage, my height, my speed, my timing, if I do that I can come out on top,” matod ni Barrios. / RSC