Gipangulohan ni basketball legend Ramon Fernandez ang pito ka Pinoy nga mga atleta nga ipahiluna sa Philippine Sports Hall of Fame sa sunod buwan, taho sa www.abs-cbnnews.com.
Apil sab ning maong tapok si kanhi Olympic boxing silver medalist Mansueto “Onyok” Velasco Jr., Adeline Dumapong-Ancheta sa para-powerlifting, Beatriz Lucero Lhuillier sa gymnastics/taekwondo, Cecil Mamiit sa tennis, Isidro Del Prado sa athletics, ug Eduardo Alvir Pacheco sa football/basketball.
Ang nangahisgutan makig-uban sa laing 47 ka mga atleta nga unang napaslak sa Hall of Fame. Basi sa balaod, ang inductees makadawat og P500,000 matag usa. / ESL