Masaligon si Fil-Am Quentin Millora-Brown nga makaduwa siya puhon sa Gilas Pilipinas isip usa ka local player.
Matod sa 6’10” nga produkto sa University of the Philippines (UP) Fighting Maroons nga gilihok na sa Samahang Basketbol ng Pilipinas (SBP) ang gikinahanglang mga lakang aron makonsiderar siyang local player sa Gilas.
“But I’ve been told that we have a pretty strong position to get a local status,” asoy sa 25 anyos nga big man nga napatik sa www.abs-cbnnews.com.
Gipasabot ni Millora-Brown nga ang gikinahanglan na lang niyang buhaton mao ang pagkuha gikinahanglang mga dokumento lakip na niini ang Philippine passport nga iyang nakuha sa wala pa siya nag-edad og 16 nga usa sa requirements sa world basketball governing body nga mao ang Fiba.
Sa kasamtangan, ang plano ni Millora-Brown mao ang pagduwa og professional league sa Europe. / ESL