Niuyon si Fil-Am star Jordan Clarkson sa buyout nga nga kasabutan aron buhian siya sa Utah Jazz alang sa iyang tinguha nga mobalhin sa New York Knicks sugod sa sunod season sa National Basketball Association (NBA).
Ang buyout sa NBA nagpasabot nga mouyon ang usa ka magduduwa nga kunhoran ang nahabilin niyang suweldo aron buhian sa usa ka team.
Si Clarkson, kinsa kanhi 6th Man of the Year awardee, sulod ra sa 37 ka mga duwa nakapakita og aksyon sa niaging season.
Nakapalta siya sa katapusang 10 ka mga duwa sa Jazz tungod kay gioperahan ang naangol niya nga wa nga tiil.
Nag-average si Clarkson og 16.2 puntos, 3.7 assists ug 3.2 rebounds sa niaging season.
Kon ma-finalize, ang Knicks maoy ikaupat nga team ni Clarkson sa NBA sunod sa Los Angeles Lakers, Cleveland Cavaliers ug Jazz.
Si Clarkson nasulod sa NBA isip 46th overall pick sa Washington Wizards niadtong 2014 draft apan dihadiha dayon, gi-trade kini ngadto sa Lakers. / Gikan sa wires