Moabot sa 20 ka mga Filipino seafarer ang gipaubos sa imbestigasyon sa South Korea human nasakmit ang gibanabana’ng duha ka toneladang cocaine sa usa ka cargo vessel, matod sa Department of Migrant Workers (DMW) sa Martes, Abril 8, 2025.
Sa usa ka interbyu sa radyo, si DMW Secretary Hans Leo Cacdac niingon nga ang 20 ka mga Filipino nga tripolante sa Norwegian-flagged cargo vessels nga gikan sa Mexico ug mibiyahe sa Ecuador, Panama, ug China sa wala pa modunggo sa South Korea.
Usa kanila mao ang kapitan sa barko.
Si Cacdac niingon nga ang mga awtoridad nagtan-aw sa kalambigitan sa mga Filipino seafarer sa pagpayuhot sa druga nga matod pa maoy pinakadaghan sa kasaysayan sa South Korea.
Matod niya nga ang ilegal nga drugas nakit-an sa compartment sa engine room sa barko.
Ang impormasyon kalabot sa ilegal nga drugas gikatahong nadawat gikan sa US Federal Bureau of Investigation (FBI) ug Homeland Security Investigations.
Matod ni Cacdac nga kasamtangan silang nakig-alayon sa pamilya sa mga tripolante.
Gipasalig usab niya ang paghatag sa tanang gikinahanglang tabang sa mga seafarer, apil na ang mga abogado. / TPM / SunStar Philippines