Naangkon ni Filipino Johann Chua ang kampyunato sa 2024 Mansion Sports Hanoi Open 9-ball pinaagi sa pagbuntog sa dekalidad nga kontra nga si Taiwanese Ko Pin Yii, 13-7, sa championship game niadtong Dominggo sa gabii, Oktubre 13, 2024, sa Hanoi Indoor Games Gymnasium sa Vietnam.
Tam-is kaayo kini nga kalampusan alang ni Chua gumikan kay gitawag si Yi nga “Filipino Slayer” sa kadaghang Pinoy cue artists nga iyang gipangbiktima.
Sa kalampusan, nakabulsa si Chua og $30,000 o dul-an sa P1.8 million. Sayo nga niarangkada si Chua ug nakaposte kini og 7-2 nga labaw sa race-to-13 nga sangka. Apan nakasikit pagbalik si Yu human sa 15th rack, 7-8.
Human niini, gipaneguro ni Chua nga dili modakin-as sa iyang mga kamot ang titulo pinaagi sa pagdaog sa nagsunod nga lima ka racks. / ESL