Gihandom sa basketball fans ang impresibo nga farewell game ni legendary basketball player Kobe Bryant diin miiskor kini og 60 puntos para modaog ang Los Angeles Lakers kontra Utah Jazz, walo ka tuig ang milabay.
Ang maong duwa nga nahitabo Abril 13, 2016 (Abril 14, PH time) gitawag nga usa sa greatest send off games sa sports history diin mibuhat og makabungog nga 60 puntos ang superstar sa maong team sa iyang career finale.
Sa edad nga 37 anyos nga miagi og injuries, wa magdahom kaniadto ang basketball fans nga makabuhat og 60 puntos si Bryant.
Apan wa’y nakapugong sa greatest shooter nga mohatag og nindot nga entertainment sa iyang final game sa NBA.
Si Bryant, 5-time NBA champion, nailhan pud sa iyang 81-point game nga nabuhat kontra Toronto Raptors tuig 2006. / RSC