Francine nanapaw sa Orange & Lemons sa Occ. Mindoro event?

Francine Diaz /Instagram, ug Orange & Lemons lead guitarist Clem Castro / Instagram
Francine Diaz /Instagram, ug Orange & Lemons lead guitarist Clem Castro / Instagram

Nahimong trending ang event sa San Jose, Occidental Mindoro apan dili tungod kay malampuson kini, apan tungod sa isyu karon tali sa batan-ong aktres nga si Francine Diaz ug sa Pinoy band nga Orange & Lemons.

Daw nanapaw o mi­-insert man gud kuno ni si Francine sa oras nga mo-perform na unta ang maong banda.

Nasayran nga ang maong kalihokan mao ang "Governor and Vice Governor's Night" diin pareho nga special guest performers ang duha.

Base sa mi-trending karon nga video sa social media, makita nga anaa na sa stage ang mga miyembro sa Orange & Lemons aron mangandam na sa ilahang set apan kalit lang gi-anunsiyo sa host si Francine.

“Bago tayo maki-jam sa ating banda, may isa munang gustong sumorpresa sa inyong lahat… palakpakan po natin Ms. Francine Diaz," sey sa host.

Milugwa ang batan-ong aktres sa stage ug mi-hi pa kini sa mga tawo nga mitambong sa maong kalihokan.

Apan samtang nag-estorya si Francine sa atubangan, makita usab nga nagkagubot na ang miyembro sa banda ug ang usa sa organizers.

Dinhi na dihang mikanta si Francine, nagpatukar usab ang lead guitarist sa banda nga si Clem Castro nga di na halos madungog ang tingog ni Francine ingon man ang song accompaniment niini.

Makita usab sa video nga mihangyo pa si Francine nga pakusgan iyahang tukar nga murag way pake sa banda.

Gihulagway usab sa netizens nga wa kauyon ang Orange & Lemons sa pag-insert ni Francine ug daw mi-walk out kini sa stage.

Dihang set na sa maong banda, mipabuhagay usab si Clem sa maong insidente ug miingon nga, “Gusto ko lang maghingi ng paumanhin, pero kailangan kong sabihin ito, para sa mga artist na…. kasi dapat kaninang 11:00[p.m.] pa kami dito, e."

"Pero sana naman, walang sumisi­ngit, yun lang. Respeto lang ba. Yun lang. Gusto ko lang sabihin yun. Ayo­kong masira yung pag-enjoy natin ngayong gabi."

Base sa official program nga mi-leak sa social media, makita nga una nga mo-perform ang Orange & Lemons ug uwahi si Francine.

Daghang netizens ang tunga ang reaksiyon niini ug gipasanginlan ang organizer sa event sa gubot nga na­hitabo tali sa special guests niini.

Wa pa'y pamahayag ang organi­zers, si Francine, o ang Orange & Lemons bahin sa maong isyu.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph