Gipahamtangan sa National Basketball Association (NBA) og upat ka mga duwa nga suspensyon nga wala’y bayad si Milwaukee Bucks guard Patrick Beverley tungod sa paglabay niini og bola ngadto sa mga tumatan-aw sulod sa pipila ka mga higayon ug pagpakiglalis niini sa usa ka reporter.
Nabuhat kini ni Beverley atol sa kapildihan sa Bucks batok sa Indiana Pacers sa Game 6 sa Eastern Conference 1st round series. Nataktak ang Bucks, 4-2, human ning maong kapildihan.
Si Beverley, 35, usa na ka free agent sa pagkakaron.
Ipatuman ang iyang suspensyon sa higayon nga makabalik kini pagduwa sa NBA. / AP