PATAY nang nakaplagan ang usa ka 39-anyos nga lalaki human nalumos samtang namana og isda sa kadagatan sa Virgin Island, Barangay Poblacion, Panglao, Bohol, alas 11:00 sa buntag niadtong Dominggo, Hunyo 22, 2025.
Ang biktima, nga taga-Barangay Dao, Dauis, Bohol, ug anak sa tag-iya sa usa ka inilang resort sa Panglao, regular nga mamanĂ¢ matag Dominggo uban sa iyang langyaw nga higala, nga usa usab ka free diver.
Matod ni Police Master Sergeant Renante Foculan, imbestigador sa Panglao Municipal Police Station, nga niadtong higayona, sakay sila og motor banca alas 6:00 sa buntag.
Nagtuo si Foculan nga nahutdan og hangin ang biktima sa dihang duha na lang ka metros ang gilay-on niya sa ibabaw, hinungdan nga kini nalumos. / AYB