GIBANABANA nga mokabat sa P19 milyunes ang gibilin nga danyos sa sunog nga niigo sa usa ka furniture company nga nahimutang sa Tac-an Road, Barangay Talamban, Cebu City pasado alas 3 sa kaadlawon sa Huwebes, Abril 10, 2025.
Ang bodega sa maong kompanya ang grabeāng naapektuhan diin nahimutang ang raw materials nga naglakip sa mga kahoy, thinner, pintal ug uban pa. Nilanat og kapin pito ka oras ang pagpakibatok sa mga bombero sa maong sunog
Matod ni SFO2 Wendell Villanueva, ang tigpamaba sa Ce-bu City Fire Station nga nadawat nila ang alarma sa sunog sa alas 3:19 sa kaadlawon ug ila kining giisa sa unang alarma sa alas 3:26, ikaduhang alarma sa alas 3:51, ikatulong alarma sa alas 4:14, hangtod nga ila kining nakontrolar sa alas 7:16 sa buntag ug hingpit nga napawong sa alas 10:47 sa buntag.
Wala hinuoy gikatahong naa-ngol ingon man nadamay nga panimalay sa maong insidente.
Nagpahigayon pa og imbestigasyon ang kabomberohan aron sutaon ang hinungdan sa sunog. / JDG