SA ikatulong higayon, magbinukbokay sila si Tyson Fury sa United Kingdom ug world heavyweight champion Oleksandr Usyk sa Ukraine karong Abril 18, 2026, sa Wembley Stadium sa London, England.
Kini nga pahibalo nga napatik sa www.boxingscene.com, gibutyag ni Fury usa lang ka adlaw human siya niingon nga nausab ang iyang hunahuna ug mobalik siya sa pag-away.
Human sa duha ka sunodsunod nga kapildihan ni Fury batok ni Usyk, matod niya nga dili na siya mobalik pag-away apan iya kining gibakwi ning bag-uhay lang.
Si Fury, 36, naggunit og 34-2-1, 24KOs nga rekord samtang si Uysk, 38, adunay 23-0, 14KOs nga baraha. / ESL