Nakasinati na sab og laing masakit nga kapildihan si Cebuana boxer John Paul Gabunilas.
Si Gabunilas, kinsa sakop sa Talisay City-based ARQ stable, nasugamak sa 5th round TKO nga kapildihan sa iyang pagsuway og ilog sa korona ni OPBF light flyweight champion Thai Thanongsak Simsri niadtong Dominggo sa gabii, Agusto 4, 2024, sa Edion Arena sa Osaka, Japan.
Kini maaoy ikatulong sunodsunod nga kapildihan sa 23 anyos nga si Gabunilas, tanan pulos wala siya nakatiwas sa away.
Dihang nakasigpat nga nilugak ang depensa ni Gabunilas, wala’y giusik nga oras si Simsri ug nibuhi dayon kini og solidong tuo nga kumo nga tataw nga nakatay-og sa kalibutan ni Gabunilas.
Gisundan kini og mga kumbinasyon ni Simsri hangtod nga giundang na sa referee ang away.
Si Simsri, 24, nipasaka sa iyang dalaygong rekord ngadto sa 35-1, 32KOs samtang natagak si Gabunilas sa 10-4, 7KOs nga baraha. / ESL