Gaduwa’g billiard, gidunggab-patay sa menor de edad

Gaduwa’g billiard, gidunggab-patay sa menor de edad
(Tampo nga hulagway)

USA ka lalaki nga nagduwa og billiard sa Dan P. Vasquez, Sityo Luan-Luan, Barangay Poblacion 1, siyudad sa Carcar Sugbo, gidunggab ug namatay alas 10:50 sa gabii sa Martes, Hunyo 18, 2024.

Ang biktima giila nga si Cris Julius Alfafara Barangan, alyas Joloy, 38, ulitawo, drayber sa habalhabal, nagpuyo sa maong dapit.

Samtang ang suspek, usa ka 17 anyos nga si alyas Jaja, silingan sa biktima.

Nasayran sa Superbalita Cebu gikan sa kapulisan sa Siyudad sa Carcar nga ilang nadawat ang alarma ug girespundihan sa kapulisan nga gipangulohan ni P/Executive Master Sgt. Jorame Navarra Tanudtanud, ubos sa kamanduan sa ilang hepe nga si P/Lt. Col. Bryan O’Niel Salvacion.

Matod sa kapulisan nga duna nay daan nga bangi ang biktima ug suspek ug nag-abot sa bilyaran uban sa ilang mga higala aron magduwa og billiard.

Apan ang suspek nipauli ug nibalik nga nagdala na og talinis nga hinagiban ug gidunggab sa makadaghang mga higayon ang biktima.

Gidali sa pagdala ang biktima sa Cebu Provincial Hospital sa Carcar City apan gideklarar ni Dr. Christopher King Ramos nga patay nang niabot.

Ang suspek daling nisibat ug wa pa madakpi ning pagsuwat sa taho. (DVG)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph