NAANGOL ang duha ka basu-rero human ang gisakyan nilang garbage truck nabangga sa punoan sa lubi sa Hulyo 7, 2025, sa Purok Jasmine, Barangay Lagunde, Lungsod sa Oslob.
Ang garbage truck gipanag-iya sa lungsod nga gimaneho ni Rosalito Busico Gumagay, hingkod nga taga Barangay Basak, Lapu-Lapu, City.
Naangol ang mga garbage collector nga sila si Rusty Lagare, 34, ulitawo ug Fernando Ronato, 37, minyo mga municipal employee, ug pulos taga Purok Jasmine, Barangay Lagunde nga nangalandig sa Oslob District Hospital.
Usa ka Davey Gerald But-ron, municipal employee, driver sa ambulansiya maoy nipahibalo sa kapulisan kabahin sa aksidenti.
Sa imbestigasyon sa kapulisan nga ang garbage compactor truck nawad-an og prino dihang nikurbada hinungdan nga nabangga sa punoan sa lubi. / GPL