Wala pa man tuod napirmahan ang kontrata kabahin sa pagbalik og away ni Errol Spence Jr. (28-1, 22KOs) batok sa bag-ong World Boxing Council (WBC) ug World Boxing Organization (WBO) junior middleweight champion Sebastian Fundora (21-1-1, 13KOs) karong Oktubre, 2024 sa Texas, aduna na’y naghuwat sa modaog ning maong engkuwentruha.
Gitumbok mao si Ryan Garcia, kinsa adunay 25-1, 20KOs nga baraha.
Si Garcia nipadayag na og interes nga makig-away bisan asa nila ni Spence ug Fundora human siya napakyas pagkuha sa weight limit sa ilang World Boxing Council (WBC) lightweight title bout batok ni Devin Haney niadtong Abril 20, 2024.
Midaog si Garcia pinaagi sa split decision batok ni Haney ug human sa ilang away, nakadesisyon si Garcia nga mosaka na og timbang. / ESL