Hapit masayo ang binukbokay nila ni Devin Haney ug Ryan Garcia nga ipahigayon karon pang Dominggo , Abril 21, 2024 (RP time), alang sa super lightweight (140 lbs.) human kupti ni Haney ang iyang kontra.
Gibuhat kini ni Haney dihang gisungog siya ni Garcia pinaagi sa pagsinggit samtang gaatubang sa iyang nawong atol sa ilang pre-fight promotion sa Barclays Center sa Brooklyn, New York.
Maayo gani kay dali sila nga nauwang sa security sa wa pa moulbo ang away, taho sa givemesport.com
Sa duha, si Haney ang mas maayo og record human siya nakaaway ug gipangpilde niya sila si Yuriorkis Gamboa, Jorge Linares, Joseph Diaz, George Kambosos Jr. (kaduha, Vasiliy Lomachenko, ug Regis Prograis.
Iyang gidaug ang tanang major nga mga titulo sa lightweight sa wa pa niya langkata ang WBC title sa super lightweight. / REV