HAGSA: Gitan-aw ni Ryan Garcia ang natumba nga si Devin Haney. / Hulagway sa AP
Superbalita Cebu
Garcia katulo gitumba si Haney
Ang kusog nga kumo ni Ryan Garcia maoy mibansiwag sa ilang binukbokay ni Devin Haney diin midaog ang nauna pinaagi sa majority decision didto sa Brooklyn kagahapon, Abril 21, 2024 (PH time).
Napatumba ni Garcia katulo si Haney apan nakabangon kini ug mitapos ang wild fight ngadto sa scorecards.
Mipabor ang scores kang Garcia nga 112-112, 114-110 ug 115-109.
Nahubaran ni Garcia og bakos si Haney apan di pud niya maangkon ang World Boxing Council (WBC) super lightweight title tungod wa niya makuha ang 140-pound nga timbang.
Tungod kay pilde man si Haney, nabakante ang maong titulo. / RSC