Bisan nga gihulagway sa kasamtangan nga mayor sa dakbayan sa Sugbo Raymond Alvin Garcia nga nakapuntos ang gitudlo nga acting Cebu City Police Office Director nga si Police Colonel Antonietto Cañete, human sa malampuso’ngpagkasikop sa suspetsado sa pagpatay sa usa ka saleslady sa Barangay Bulacao niadtong miaging semana.
Apan wa pa hingpit nga nakatudlo ang acting mayor og opisyal sa pulis nga mangulo sa kapulisan sa dakbayan sa Sugbo.
Matod ni Garcia atol sa pag presentar kang Darren Cui sa CCPO nga nagpadayon ang iyang pagpaniid kang Cañete ilabi na sa iyang pagpadagan sa paghatag sa seguridad sa tibuok dakbayan sa Sugbo.
Una na nga n pahibawo si Garcia nga nagpaabot pa siya sa lima ka mga pangalan sa police colonels nga iyang pilian apil na niini si Cañete nga maoy mangulo sa renda sa CCPO.
Apan alang kang Cañete nga wala siya mamugos nga mahimong pili-on sa kasamtangan nga mayor sa dakbayan ang labing mahinungdanon mao ang pag serbisyo sa katawhang Sugboanon nga mahimong luwas ug layo sa krimen ang dakbayan.
Iyang gipasabot nga wala siya mo-apply sa pagka hepe sa kapulisan sa dakbayan sa Sugbo apan, nakita sa kadagkoan sa Police Regional Office (PRO) 7 ang iyang agi sa panarbaho. Tungod ani, dason ni Cañete, siya ang kasamtangan nga gibutang sa maong posisyon. / AYB