Gideklarar ni outgoing Mayor Raymond Alvin Garcia nga way presensiya sa Philippine Offshore Gaming Operator (POGO) dinhi sa Dakbayan sa Sugbo taliwa sa pagkasikop sa 17 ka mga langyaw nga nalambigit sa large-scale scamming operations.
Kini maoy pasalig ni Garcia dihang gikuhaan og reaksyon sa 17 ka langyaw nga nadakpan sa Maria Luisa Estate Park niadtong Huwebes, Mayo 15, 2025.
Giklaro ni Garcia nga ang ilegal nga kalihukan sa mga langyaw, pagpangilad ug way labot sa POGO.
“Definitely, this is not related to POGO, it’s just fraud. This is a new type of pangilad, new type of crime nga atong makita karon,” matod niya.
Gitataw sa mayor nga ang mga suspek manawag sa ilang mga target nga ilaron nga gituohan niyang di mga Pinoy apan mga langyaw usab.
“They’re just using the Philippines as a venue for them to do their sinister moves,” dugang ni Garcia.
Sayo niini, ang National Bureau of Invistigation (NBI) 7 nakasikop og 17 ka Taiwanese nationals, 16 ang lalaki ug usa ang babaye didto sa Maria Luisa Estate Park niadtong Mayo 15. / JPS