Gitugtan na si Cleveland Cavaliers All-Star pointguard Darius Garland nga makaapil sa ubang training sulod sa korte human sa usa ka buwan nga pagpaalim sa nasiko niyang apapangig.
Niadtong Martes, Enero 16, 2024 (PH time), gitangtang na ang wiring sa baba ni Garland, usa ka dako’ng timailhan nga naalim na ang iyang angol nga iyang nasinati niadtong Disyembre 16, 2023 atol sa pagsulong sa Cavaliers sa Boston Celtics.
Sa wala pa siya naangol, si Garland nag-average og 20.7 puntos ug 5.9 ka assists sa 2023-24 National Basketball Association (NBA).