Gatusan na ka mga iro ug iring sa dakbayan sa Carcar ang nabakunahan batok sa rabies subay sa gihimo’ng barangay vaccination.
Subay sa pagsunod sa Rabies Awarness Month sa Marso, gisugdan sa Kagamhanan sa Siyudad ang pagpamakuna sa Barangay Poblacion III.
Diin sa datos sa kagamhanan moabot sa 137 ka mga iro ug 38 ka mga iring na ang nabakunahan.
Sa ikaduhang adlaw, moabot sa 167 ka mga iro ug 24 ka mga iring sa Barangay Valladolid ang nabakunahan.
Gawas sa pagpamakuna, padayon usab ang pagpahibalo ug pagpasabot sa City Veterinary Office sa Siyudad sa kaayuhan sa pagpabakuna sa mga binuhi niining hayop.
Ang culmination sa maong programa ipahigayon sa hawanan sa New City Hall sa dakbayan karong Abril 6, 2024. / ANV